Klæðningu að ljúka
Nú er unnið af miklum krafti við að ljúka klæðningu utan á Þórbergssetur.Sex fílefldir karlmenn leggja nótt við dag og þó að við hefðum kosið að vera laus við vindnæðing síðustu daga, þá er það kostur að ekki hefur rignt og allir viðir undir klæðningu skraufaþurrir og í góðu ásigkomulagi. Klæðningu á austurstafni er að mestu lokið og ef allt gengur að óskum er reiknað með að ljúka vestri bókastoð á morgun.
Gula hlaðan er að breytast í bókhlöðu og næsta verkefni er sennilega að afmá gula litinn með öllu.