Starfsemi og viðburðir 2007
Fyrsta heila starfsár Þórbergsseturs er árið 2007. Þetta ár hefur starfsemin verið að mótast og einstaka viðburðir að festa sig í sessi. Fjölmargir ferðalangar komu við í Þórbergssetri, 4700 manns sóttu þar sýningar en ætla má að amk. 12000 manns hafi komið í húsið og notið þar einhverrar þjónustu. Erlendir ferðamenn koma við og njóta veitinga en sækja lítið sýningarnar, ljóst er að það mun taka tíma að markaðssetja Þórbergssetur fyrir erlenda ferðamenn á næstu árum.. Þórbergssetur hafði litla fjármuni til rekstrar á árinu 2007 og einkenndi það nokkuð starfið. Einn starfsmaður var á launum við móttöku ferðamanna frá 20 maí til 1. október 2007. Forstöðumaður fór á föst laun 1. ágúst en endanlega var gengið frá þeirri ráðningu 1. janúar 2008 þegar ljóst var að rekstrarfjármunir komu á fjárlögum Alþingis fyrir árið 2008.
Ráðist var í eftirfarandi framkvæmdir á árinu 2007:
- Gefin út lítill kynningarbæklingur um Þórberg Þórðarson á íslensku og ensku
- Gefin út sýningarskrá með öllum textum Þórbergssýningarinnar á íslensku, ensku og þýsku
- Ljósprentað blað með textum á íslensku og ensku fyrir ljósmyndasýningu í eystri sal
- Settar upp merkingar í veitingasal með tilvísunum og auglýsingum um sýningar í sölum hússins
- Bætt við einstaka munum á aðalsýninguna
- Hafin skráning á gömlum bókum í eigu Þórbergsseturs
- Keyptur skjávarpi, flatskjár og geislaspilari
- Búið til og haft tiltækt fræðsluefni fyrir skólahópa og sérhópa sem heimsækja Þórbergssetur
Á árinu 2007 voru eftirfarandi viðburðir og samkomur í Þórbergssetri
- Námskeið á vegum Útflutningsráðs, Hagvöxtur á heimaslóð, tvö skipti í janúar og febrúar
- Fræðimenn dvöldu í vikutíma á Hala í janúar að vinna bókmenntaverkefni
- Í febrúar var búið að undirbúa dagskrá á Stjörnuhelgi, féll niður vegna veðurs
- Í mars var Kvennakór Hornafjarðar í æfingabúðum á Hala og í Þórbergssetri
- Helgina 12, mars var stutt afmælisdagskrá í Þórbergssetri og kaffiveitingar
- Síðustu helgina í mars var haldið bridgemót í minningu Torfa Steinþórssonar, alls 32 spilarar víðs vegar að af landinu mættu
- Í lok mars kom hópur íslenskunema, félagar í Mími í helgardvöl á Hala og fengu fræðslu í Þórbergssetri
- Í apríl kom í heimsókn félagar í bókmenntaklúbbi Hæðargarðs og dvöldu heila helgi alls 50 manns og voru með dagskrá um Þórberg Þórðarson
- Í lok apríl var haldið upp á 90 ára afmæli Þóru Steinþórsdóttur, bróðurdóttur Þórbergs í Þórbergssetri
- Í lok maí var fermingarveisla Þórbergs Friðrikssonar í Þórbergssetri en Þórbergur Þórðarson var langafi hans
- Í maí kom í heimsókn hópur bókasafnsfólks frá Færeyjum og naut fræðslu og veitinga í Þórbergssetri dagstund
- Í maí komu 8 ára nemendur Nesjaskóla í heimsókn í Þórbergssetur
- Eldri borgara í dagvist Hornafjarðar komu í heimsókn og nutu fræðslu og veitinga dagstund
- Ýmsir hópar eldri borgara, námshópur úr Leiðsögumannaskólanum, ungt fólk á vegum Menningarmiðstöðvar Hornafjarðar og fl. heimsóttu Þórbergssetur
- Um verslunarmannahelgi stóð Þórbergssetur fyrir Þórbergsleikum á unglingalandsmóti U.M.F.Í.
- Í september hélt Hið íslenska esperantófélag málþing í Þórbergssetri og dvaldi heila helgi alls 30 manns
- Í september kom hópur eldri borgara frá Vík í Mýrdal og naut veitinga og dagskrár
- Í október var málþing um Torfhildi Þorsteinsdóttur Hólm rithöfund
- Í október og nóvember komu 2 skólahópar frá Neskaupsstað og Fask í heimsókn og nutu fræðslu og veitinga
- Í nóvember komu eldri borgarar úr Öræfum í heimsókn, fóru inn á sýningar, nutu veitinga og dagskrár m.a. myndasýningar um eyðibýli í Suðursveit
- Í byrjun aðventu var bókamessa í Þórbergssetri þar sem kynntar voru nýútkomnar bækur og kaffiveitingar voru á borðum.