Á fæðingardegi Þórbergs
Dagskrá verður í Þórbergssetri næstkomandi föstudag 12. mars og hefst kl 20:30. Samkór Hornafjarðar ætlar að flytja þar söngdagskrá, en einnig ætla þau Pétur Gunnarsson og Soffía Auður Birgisdóttir að kynna nýjar bækur um og eftir Þórberg. Flytja á stutta dagskrá um ála, og gæða sér síðan m.a. á reyktum ál frá Ara frænda frá Reynivöllum. Dagskráin er liður í vetrarhátið í Ríki Vatnajökuls. Opið verður inn á sýningar í lok dagskrár, en þar er nú m.a. ný sögusýning um landnám í Skaftafellssýslum og myndasýning af ferðalagi í Veðurárdali.
Það verður glatt á hjalla á vetrargleði í Þórbergssetri þar sem við vonumst til að eiga góða kvöldstund saman við lestur, söng og góðar veitingar.
Á fæðingardegi Þórbergs
Vetrargleði í Þórbergssetri 12. mars kl. 20:30
Þórbergur í nýju ljósi
Pétur Gunnarsson fjallar um bækur sínar helgaðar Þórbergi Þórðarsyni.
ÞÞ - Í fátæktarlandi og ÞÞ - Í forheimskunarlandi.
Söngdagskrá
Samkór Hornafjarðar kemur í heimsókn og flytur söngdagskrá
Meistarar og lærisveinar
Soffía Auður Birgisdóttir fjallar um nýja bók eftir Þórberg Þórðarson sem kemur út á vordögum
Álar í Ríki Vatnajökuls
Dagskrá um ála, Soffía Auður Birgisdóttir og Þorbjörg Arnórsdóttir flytja
Léttar veitingar í mat og drykk. Hornfirskar afurðir í hávegum hafðar
Allir velkomnir