Þórbergssetur er  sjálfseignastofnun með sérstakri skipulagsskrá

 

Stofnaðilar eru heimamenn á Hala í Suðursveit, Menningarmiðstöð Hornafjarðar og Sveitarfélagið Hornafjörður.  Allmargir einstaklingar hafa gerst stofnaðilar og stutt við uppbyggingu Þórbergssetur. Í stjórn stofnunarinnar eru Þórgunnur Torfadóttir skólastjóri Hornafirði, Steinþór Torfason Hala, Vala Garðarsdóttir forstöðumaður Hornafjarðarsafna, Pétur Gunnarsson rithöfundur og Bergljót Kristjánsdóttir dósent við Háskóla Íslands.
Helstu markmið Þórbergsseturs eru:
1.    Efla rannsóknir og umfjöllun um ævi, störf og ritverk Þórbergs Þórðarsonar rithöfundar frá Hala í 
Suðursveit

2.    Efla fræðastörf er tengjast söfnun, varðveislu og skráningu menningarminja í Suðursveit og síðar Austur Skaftafelssýslu

3.    Miðla þekkingu á fjölbreyttan hátt og standa fyrir fræðslu til ferðamanna og almennings um Þórberg Þórðarson, sögu og mannlíf í Austur Skaftafellssýslu

Forstöðumaður Þórbergsseturs er Þorbjörg Arnórsdóttir Hala Suðursveit ( This email address is being protected from spambots. You need JavaScript enabled to view it. )

Ráðherra heimsækir Þórbergssetur

2019 7 heimsokn thorbergssetur Lilja Alfreðsdóttir mennta- og menningarráðherra ferðaðist um Austurland og Skaftafellsssýslur þann 7. - 10. júlí síðast liðinn. Hún kom við í Þórbergsssetri og þar var undirritaður nýr samstarfssamingur milli ráðuneytisins og Þórbergsseturs,  sem felur í sér áframhaldandi stuðning við það menningarsamstarf sem þar fer fram. Einstaklega ánægjulegt var að fá ráðherra í heimsókn og gaf hún sér góðan tíma til að skoða safnið og ræða m.a. um stöðu íslenskunnar í fjölmenningarsamfélagi nútímans.Þrír stjórnarmenn Þórbergsseturs og nokkrir gestir mættu á staðinn til fundar við ráðherra.

 Lilja hrósaði mjög uppsetningu og aðstöðu á safninu og taldi það standast fyllilega samanburð  við ýmis innlend og erlend söfn hvað framsetningu varðar. Þorbjörg Arnórsdóttir forstöðumaður taldi að tilgangurinn með starfseminni í Þórbergssetri væri skýrari með hverju árinu sem líður, Minntist hún á mikilvægi þess að miðla með nútímatækni þeim menningararfi sem við eigum tengdan bókmenntum og sagnahefð og  tengja þannig fortíðina inn í tækniveröld nútímans. Að fá  viðurkenningu á starfsemi þessara stofnana til menningarstarfs á landsbyggðinni með samning við ráðuneyti menningarmála eykur einnig mjög sjálfstraust og tryggir samfellu í starfi, en styrkir um leið sjálfsmynd íbúanna við að miðla sögu og viðhalda staðbundinni þekkingu á umhverfi og náttúrufari hvers héraðs. 

Hér má sjá samninginn

Samningur undirritaður

20140831Samningur um Rekstur Þórbergsseturs (pdf)

Miðvikudaginn 29. ágúst kom Katrín Jakobsdóttir mennta og menningarmálaráðherra í heimsókn í Þórbergssetur að undirrita samstarfsssamning um rekstur Þórbergsseturs. Samningurinn gildir frá byrjun árs 2013 til loka árs 2015 og hljóðar upp á rekstrarframlag af fjárlögum ríkisins, 10 milljónir króna á  ári. Með í för voru samstarfsmenn Katrínar úr ráðuneytinu og á móti þeim tóku Þorbjörg Arnórsdóttir og Fjölnir Torfason á Hala, Hjalti Vignisson bæjarstjóri sveitarfélagsins Hornafjarðar og Björg Erlingsdóttir forstöðumaður Menningarmiðstöðvar Hornafjarðar ásamt starfsmönnum Þórbergsseturs. Katrín var á mikilli hraðferð,  á ströngu ferðalagi og heimsóknum á Austur- og Suðurlandi. Eftir undirritun samnings skoðuðu gestirnir sýningar Þórbergsseturs.Verulega aukin aðsókn er að safninu árið 2012, og auðveldara er nú en áður að kynna það fyrir erlendum gestum, þar sem enskir textar eru á sýningarspjöldum inni á sýningunni og textar á þýsku og frönsku í harðspjaldabók.

Lesa meira

Póstlisti

Hönnuðir

Arkitekt og hönnuður byggingar eru Sveinn Ívarsson og Jón Þórisson. Hönnuður sýningar er Jón Þórisson. Textahöfundur sýningar er Jón Hjartarson leikari.

Upplýsingar

Í anddyri Þórbergsseturs er upplýsingamiðstöð þar sem starfsmenn Þórbergsseturs fræða gesti um starfsemi setursins, Þórberg Þórðarson og sögu Suðursveitar. 

Gestakomur


Gestir í dag: ... 0
Gestir þennan mánuð: ... 7346
Gestir á þessu ári: ... 115894

Þórbergssetur - Hala, Suðursveit - 781 Höfn í Hornafirði - Sími: 478-1078 - Netfang: This email address is being protected from spambots. You need JavaScript enabled to view it.

Copyright © 2014. All Rights Reserved.

Fara efst