Sérstaða Þórbergsseturs

Starfsemi Þórbergsseturs er afar sérstök hvað varðar uppbyggingu menningartengdrar ferðaþjónustu í sveit sem byggir á merkustu menningarminjum þjóðarinnar, bókmenntum og sagnalist. Sérstaða verkefnisins felst m.a. í því að bækur Þórbergs eru skrifaðar inn í raunverulegt umhverfi og um raunverulegt fólk og fjalla m.a.um atvinnuhætti og menningu horfins tíma. Sú þekking og arfleifð sem Þórbergur bjargaði frá glötun gefur möguleika á að skapa sterkar tengingar út í samfélagið til uppbyggingar atvinnu og ferðaþjónustu í dreifbýli Einstakar lýsingar Þórbergs á náttúrufari, sögu og mannlífi höfða einnig til erlendra ferðamanna nú þegar Þórbergssetur er orðið að veruleika og þeir eiga þess kost að lesa saman sögu og umhverfi og setja sig í spor þess fólks er bjó í Suðursveit á liðnum öldum. Á sýningum Þórbergsseturs má greina hvernig mannsandinn naut ögrunarinnar – hvernig átök við óblíð náttúruöfl efldi vitundarþroska og framtak fólksins til að komast af - þrátt fyrir kröpp kjör. ,, Þar rís list Þórbergs hæst, hvernig honum tekst að glæða fróðleik lífi”

Lesa meira

Bygging Þórbergsseturs

120320050304200513042005Framkvæmdir við húsnæði Þórbergsseturs hófust 26. febrúar 2005 og unnið var við byggingu í 3 mánuði það ár, þá var gert hlé á framkvæmdum en síðan hafist handa á ný í janúar 2006. og á sex mánuðum tókst að ljúka við húsnæði og uppsetningu þeirra tveggja sýninga sem nú eru í Þórbergssetri. Glæsileg opnunarhátíð var haldin 30. júní 2006

Lesa meira

Lifandi menningarsetur með fjölbreytta starfsemi

steinabaliMarkmið með stofnun Þórbergsseturs eru skilgreind í skipulagsskrá frá árinu 2003. Þau eru eftirfarandi:

Tilgangur Þórbergsseturs er meðal annars að:

  1. Efla rannsóknir og umfjöllun um ævi, störf og ritverk Þórbergs Þórðarsonar rithöfundar frá Hala í Suðursveit.
  2. Efla fræðastörf er tengjast söfnun, varðveislu og skráningu menningarminja í Suðursveit og síðar Austur Skaftafellssýslu.
  3. Miðla þekkingu á fjölbreyttan hátt og standa fyrir fræðslu til ferðamanna og almennings um Þórberg Þórðarson, sögu og mannlíf í Austur Skaftafellssýslu

Lesa meira

Merking gönguleiða, fornminjar og örnefni

klukkugilskaltoftÁ árunum 2003 og 2004 voru merktar þrjár gönguleiðir, tvær þeirra eru ratleikir í nágrenni Hala, en hin þriðja er stikuð gönguleið með vegvísum að fjallabaki. Á hverri gönguleið eru söguskilti með tilvitnun í bækur Þórbergs og gamlar sagnir af svæðinu. Einnig var á þessum árum farið í skipulagðar gönguferðir með leiðsögn um sögusvið Suðursveitabóka Þórbergs og vakin athygli á sérkennum í náttúrufari en einnig merkum menningarminjum í umhverfinu og fjallað um sambýli manns og náttúru í 1100 ár.

Mikla athygli hafa vakið fornar rústir í Papbýli hinu forna sem fundust 1998 og þegar teknar voru þar tilraunaholur árið 2001, reyndust þær vera frá fyrstu öldum Íslands byggðar. Gamlar munnmælasögur hafa verið rifjaðar upp og tengdar á ný umhverfi og staðháttum. Örnefni voru merkt inn á sérstakar örnefnamyndir og eru til sýnis í Þórbergssetri og fyrirhugað er að safna þar saman frekari fróðleik um umhverfi, búsetu og mannlíf og viðhalda þekkingu á gömlum sögnum um álfa, drauga og tröll.

Póstlisti

Hönnuðir

Arkitekt og hönnuður byggingar eru Sveinn Ívarsson og Jón Þórisson. Hönnuður sýningar er Jón Þórisson. Textahöfundur sýningar er Jón Hjartarson leikari.

Upplýsingar

Í anddyri Þórbergsseturs er upplýsingamiðstöð þar sem starfsmenn Þórbergsseturs fræða gesti um starfsemi setursins, Þórberg Þórðarson og sögu Suðursveitar. 

Gestakomur


Gestir í dag: ... 143
Gestir þennan mánuð: ... 1234
Gestir á þessu ári: ... 129138

Þórbergssetur - Hala, Suðursveit - 781 Höfn í Hornafirði - Sími: 478-1078 - Netfang: This email address is being protected from spambots. You need JavaScript enabled to view it.

Copyright © 2014. All Rights Reserved.

Fara efst